Ceelcad | Latest News Over The World

Ganacsiga Basasha ee Magaalada Baardheere

Ganacsiga ka jira guud ahaan degmada Baardheere, gaar ahaan magaalada Baardheere waxaa ugu weyn ganacsiga la xiriira waxsoosaarka beeraha. Waxaa labeeyo ka ganacsiga xoolaha nool iyo waxyaabaha kale ee laga helo sida subaga, caanaha, hilibka, hargaha iyo saamaha.

Baardheere sida magaalooyinka kale ee waaweyn ee dalka Soomaaliya, waxay ganacsatadeeda ka ganacsadaan badeecooyinka inta badan soo dejinta ku timaada sida sonkorta, bariiska, baastada saliida, qalabka dhismaha iyo waxyaabaha kale ee loo yaqaan bagaashka.

Waxaa kale oo ganacsiga firfircoon ka jira ganacsiga ku salaysan Ganacsiga Adeega sida dugsiyada, iskuulada, jaamacadaha, isgaarsiinta, makhaayadaha, hoteelada, iyo xawilaadaha.

Basasha Baardheere

Dhanka dhoofinta khayraadka beeraha, xiligii nabada iyo dowladaha, Muqdisho waxaa ku yaalay bakhaaro waaweyn oo lagu keydiyo laguna gado basal noocyo badan leh oo aad loo jeclaa taas oo ka imaan jirtey beeraha ka baxa nawaaxiga Baardheere.

Tubaakada oo iyadane aad looga ganacsan jirey ayaa gaari jirtey meel walba wadanka. Basasha Baardheere waxaa loo iib geyn jirey Mombaasa, Kenya ilaa Djabuuti oo dhacda Gacanka Cadmeed. Waa masaafo u dhexeysa ilaa 3000 oo kiilomitir.

Xaga waxsoosaarka guud ee dhaqaalaha wadanka, magaalada Baardheere Soomaaliya ayey qeybteeda ka heli jirtey iyada oo wax badan laga dhaxlay sanadadii horumarinta dhaqaalaha ee wadanka Soomaaliya.

 

Aqrisatay:1857Share on Facebook

Short URL: http://ceelcad.com/?p=117

Posted by on Jan 2 2012. Filed under Ganacsiga. You can follow any responses to this entry through the RSS 2.0. You can leave a response or trackback to this entry

Qormadaada

Photo Gallery